بەشى ئەندازياری پرۆگرامسازی وئينفۆرماتيك بەشدارى لە وۆرکشۆپێکى کۆمپانیاى هواوى کرد

ڕۆژی دووشەممە  ڕێکەوتى (19ی ئابی 2024) کۆمپانیاى هواوى چینى وۆرکشۆپ و پیشانگەیەکى بە ناونیشانى (Huawei ME&CA commercial Roadshow) لە هۆتێل ڕادیسۆن لە شاری هەولێر کردوە و، بەشى ئەندازياری پرۆگرامسازی وئينفۆرماتيك لە زانکۆی جیهان هەولێر بەشدارییەکى کاریگەرییان تێدا کرد.

لەو چالاکیەى کۆمپانیاى هواویدا، کە هەریەک لە مامۆستای یاریدەدەر عادل حسێن محمد و دکتۆر فاتیمە حسری لە بەشی ئەندازياری پرۆگرامسازی وئينفۆرماتيك لە زانکۆى جیهان-هەولێر و، نوێنەرانی وەزارەتی خوێندنی باڵا و توێژینەوەی زانستی و کۆمەڵێک کۆمپانیای کار و تایبەتمەند لە بوارەکەدا بەشداریان تێدا کرد، چەند چالاکیەک بەڕێوەچوو.

لە میانەى بەڕێوەچوونى چالاکیەکەیاندا کۆمپانیاى هواوى ئاماژەیان بە دواین کار و بەرهەم و داهێنانەکانیان لە بوارى تەکنەلۆژیادا کرد، بەتایبەت بەرهەمەکانیان لە بوارى بەکارهێنانی تەکنەلۆژیای زیرەکی دەستکرد،کە لە سەرانسەری وڵاتانى جیهاندا ئەنجامی داوە، هەروەک دیدگای داهاتووی بۆ کاروبارەکانیان خستەڕوو.

 لە پەراوێزی ئەم چالاکییەدا کۆمەڵێک دیدار لە نێوان بەشداربوان بەڕێوەچوو، لەو چوارچێوەیەشدا نوێنەرانى زانکۆى جیهان-هەولێر کۆمەڵێک دیدار و چاوپێکەوتنیان لەگەڵ کۆمپانیا بەشداربووەکان ئەنجامدا، بۆ ئەو بەمەبەستەش بانگهێشتی کۆمپانیاى هواویان کرد بۆ ئەنجامدانى چالاکى هاوبەش بەتایبەت لە بوارى زانستى تەکنەلۆژیا و خزمەتگوزارى ئینتەرنێت و بوارە جۆراوجۆرەکان.