زانکۆى جیهان-هەولێر لە ڕیزبەندى (AD Scientific Index) بووە یەکەمى سەرجەم زانکۆ حکومى و تایبەتەکانى عێراق و هەرێمى کوردستان

وێبسایتى (AD Scientific Index) نوێترین وەشانى بۆ ساڵى (2024) بڵاوى کردۆتەوە، لەو وەشانە نوێیەدا زانکۆى جیهان-هەولێر  توانى لەسەر ئاستى سەرجەم زانکۆ حکومى و تایبەتەکانى عێراق و هەرێمى کوردستان پلەى یەکەم بەدەست بهێنێت، لەم بەستەرەى خوارەوەدا ڕیزبەندى زانکۆکانى عێراق خراوەتەڕوو (Iraq World Country Rankings 2024 (adscientificindex.com)  .

لەو وەشانە نوێیەدا، بەپشت بەستن بە بەکارهێنانی جەند پێوەرێک هەڵسەنگاندنى بۆ زانکۆکان و دامەزراوەکانی خوێندنی باڵا، بۆ ئەو مەبەستە پشت بە ئاستی توانا و لێهاتووی ستافی ئەکادیمی زانکۆکان و توانای بەرهەمهێنانی و ئەنجامدانى توێژینەوەى زانستى کاریگەر، کە بەرزترین ئاستی ئیندێکسی تۆمارکردوە، بەو هۆیەوەشەوە وێبسایتەکە؛ دواى ئەوەى شیکارى تەواوى بۆ داتاى زانکۆکانى کردوە، دەرکەوت زانکۆى جیهان-هەولێر لەسەر ئاستى سەرجەم زانکۆ حکومى و تایبەتى عێراق و هەرێمى کوردستان پلەى یەکەمى بەدەستهێناوە، وەک ئەوەى لەم خشتەیەدا خراوتەڕوو.

زانکۆىجیهان-هەولێر لەهەمان ڕیزبەندیدا، دەرکەوتووە لەسەر ئاستى زانکۆکانى وڵاتانى عەربى و زانکۆکانى وڵاتانى جیهان بەرەوپێشچونێکى بەرچاوى بەخۆیەوە بینوە، بەشێوەیەک لەسەر ئاستى زانکۆکانى وڵاتانى عەرەبى لە ڕیزبەندى (٤٩٧) هاتووە و، لەسەر ئاستى وڵاتانى جیهانیش لە ڕیزبەندى (٢٠٧٩) زانکۆکاندا هاتووە، هەموو ئەو دەسکەوتانەش دەگەڕێتەوە بۆ بوونی ستافی کارا و بەرهەمهێنەرى، بۆ خوێندنەوەى دەقى ڕاپۆرتى نوێترین وەشانى کلیک لەم بەستەرە بکە (Top Lists – AD Scientific Index 2024) .

وێبسایتى  Iraq World Country Rankings 2024 (adscientificindex.com) گرنگترین و کاریگەرترین پێوەرێکی زانستیە بۆ نیشاندانی ڕۆڵی زانکۆ لە بەرهەمهێنانی زانست لە ڕێگەی توێژینەوەی زانستى کاریگەر و بەنرخ، کە تێیدا کار لەسەر کۆی گشتی و ڕێژەی بەرهەمهێنانی شەش ساڵی کۆتایی زانایان پشت دەبەستێ بە نمرەکانی (h-index and i10 index) و ڕێژەى وەرگرتنەکان لە گووگڵ سکۆلاردا نیشان دەدات.