به‌شى کارگێری گشتی

ئاماده‌ كردنى ده‌رچوانێك له‌ بوارى كارگێڕى گشتى كه‌ تواناى هه‌ڵگرتنى به‌رپرسیاریه‌تی یاساییان هه‌بێت له‌ دامه‌زراوه‌ گشتیه‌كان و به‌ڕێوه‌بردنى یه‌كه‌ كارگێڕیه‌كان ده‌زگا گشتیه‌كان به‌پێى ئاسته‌كانى كارگێڕى له‌ پلاندانان و رێكخستن و سه‌ركردایه‌تى كردن و په‌یوه‌ندى و هه‌ماهه‌نگى و دانووستان و چاودێرى و چالاكى به‌رهه‌مهێنان و دارایى و تاكه‌كان و ده‌ركردنى بڕیارى كارگێڕى سه‌ركه‌وتوو كه‌ له‌سه‌ر بابه‌تى بوون له‌ كارگێڕى زانستى بونیات نراوه‌ .

هه‌بێت رووبه‌ڕووى ئه‌و پێشهاتانه‌ ببنه‌وه‌ كه‌ دووچارى دامه‌زراوه‌كانیان ده‌بێت و هه‌لى په‌ره‌سه‌ندن و پێشكه‌وتن بۆ دامه‌زراوه‌كانیان زیاد بكه‌ن ، خاڵه‌ به‌هێزه‌كان پته‌وتر بكه‌ن و رووبه‌ڕوى خاڵه‌ لاوازه‌كان ببنه‌وه‌ وه‌ له‌ هه‌مان كاتدا شاره‌زا بن له‌رووى كارامه‌یى و لێهاتوویى له‌ به‌ڕێوه‌بردنى كات و خۆ ئاماده‌كردن بۆ داهاتوو .
ده‌وڵه‌مه‌ند كردنى لایه‌نى مه‌عریفى له‌ ناو هه‌ردوو كه‌رتى گشتى و تایبه‌ت ، به‌شێوه‌یه‌ك كه‌ دیدگاكه‌ رووى له‌ په‌ره‌دان به‌م دامه‌زراوانه‌ و به‌شداریكردن بێت له‌ پێشكه‌وتنى زانستى ئه‌م ده‌زگایانه‌ له‌ بوارى كارگێڕى گشتى له‌ رێگه‌ى ئه‌نجامدانى توێژینه‌وه‌ و خول به‌شێوه‌یه‌ك كه‌ هاوده‌مى په‌ره‌سه‌ندنى كارگێڕى بێت له‌م سه‌رده‌مه‌دا.
پڕ كردنه‌وه‌ى داواكارى و پێویستى كه‌رتى گشتى له‌ رووى سه‌رچاوه‌ى مرۆیى پسپۆڕ و فه‌راهه‌مكردنى سه‌رمایه‌یه‌ك له‌ سه‌رچاوه‌ى مرۆیى به‌ لێهاتوییه‌كى سه‌رده‌میانه‌.
له‌ناوبردنى پاشكه‌وتنى كارگێڕى و ئابوورى و چه‌سپاندنى چه‌مكى بونیاتنانى دامه‌زراوه‌كانى ده‌وڵه‌ت واته‌ بونیاتنانى كۆمه‌ڵگه‌ كه‌ ئه‌مانه‌ش ده‌بنه‌ هۆى بونیات و گه‌شه‌سه‌ندنى دامه‌زراوه‌كانى كه‌رتى گشتى .

به‌شى كارگێڕى گشتى خوێندنێكى فراوان به‌و لایانه‌نانه‌ى كه‌ په‌یوه‌ندیان به‌ سیستمه‌كانى كارگێڕى گشتیه‌وه‌ هه‌یه‌ . ئه‌م به‌رنامه‌ى خوێندنه‌ هه‌موو ئه‌و داواكارى و پێویستیانه‌ى له‌خۆ گرتوه‌ بۆ كه‌ وا له‌قوتابى بكات بتوانێت بچێته‌ نێو بوارى به‌ڕێوه‌بردن و كارگێڕى و دامه‌زراوه‌كانى كه‌رتى تایبه‌ت وگشتى و تێكه‌ڵ ، به‌شێوه‌یه‌ك كه‌ تواناى ئه‌وه‌یان هه‌بێت چاره‌سه‌رى نوێ و سه‌رده‌میانه‌ پێشكه‌ش بكات بۆ باش كردن و گه‌شه‌پێدان و به‌ڕێوه‌بردنى كه‌رتى گشتى له‌ئاستى ناوه‌خۆ و هه‌رێمایه‌تى و نێوده‌وڵه‌تى ، چونكه‌ پێوه‌رى پێشكه‌وتن و ژیارى گه‌لان و به‌رزبوونه‌وه‌ى ئاستى كۆمه‌ڵگه‌ وبژێو و خۆشگوزه‌رانیان بریتیه‌ له‌ به‌رزى ئاست و كوالێتى كارگێڕى و به‌ڕێوه‌بردنى دامه‌زراوه‌ گشتیه‌كانى ئه‌و ده‌وڵه‌ته‌ . ئه‌م به‌شه‌ ده‌رچوانى ئاماده‌یى هه‌ردوو به‌شى زانستى و وێژه‌یى وه‌رده‌گرێت.