پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر پیشانگەیەکى خۆراکی بە بۆنەی ڕۆژی جیهانیی خۆراکەوە کردەوە
بە بۆنەی ڕۆژی جیهانیی خۆراک؛ ڕۆژی پێنجشەممە ڕێککەوتی 15/10/2026، پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر پیشانگەیەکى تایبەت بە خۆراکی کردەوە.
لەو پیشانگەیەدا، کە لەلایەن فێرخوازانى بەشى نیوتریشن و دایەتێتیکس ڕێکخرابوو، پڕۆفیسۆڕ دکتۆر ئەیاد حازم، یاریدەدەری سەرۆکی زانکۆ بۆ کاروباری زانستی و، ژمارەیەک لە سەرۆک بەشە زانستییەکان و، مامۆستایان و فێرخوازان ئامادەیبوون، کۆمەڵێک بەرهەمی خۆراکیی داهێنەرانەی لەخۆگرتبوو کە لەلایەن فێرخوازانی بەشی نیوتریشن و دایەتێتیکسەوە ئامادە کرابوون، بە جەختکردنەوەی تایبەت لەسەر بەهای خۆراکی و سوودە تەندروستییەکانیان.
پێشانگەکە و جۆرەکانی بەرهەمە نمایشکراوەکان:
دواى کردنەوەى پیشانگەکە، سەرۆکى زانکۆى جیهان-هەولێر بەشە جیاوازەکانى پیشانگەکەى بەسەرکردەوە، کە بریتی بوون لە چیپسی پەتاتەی سروشتی، جۆرە جیاوازەکانی شیرینی، نان، کێک و مایۆنێز، بەجیا لە بەرهەمە خۆراکییەکانی دیکە، لەو چوارچێوەیەشدا فێرخوازان ڕونکردنەوەى پێویستیان لەبارەى چۆنیەتى ئامادەکردنى بەرهەمە خۆراکیەکان پێشکەش بە سەرۆکى زانکۆى جیهان-هەولێر و ئامادەبووان کرد و، جەختیان لەسەر ئەوە کردەوە، کە لە ئامادەکردنیاندا بە جەختکردنەوە لەسەر هەڵبژاردنی پێکهاتە گونجاوەکان، باشترکردنی کوالێتیی خۆراکی و جێگرەوە تەندروست کردۆتەوە.
شیکاریی بەهای خۆراکی و داهێنان
یەکێک لە دیارترین لایەنەکانی پیشانگەکە بایەخدانی فێرخوازان بوو بە شیکردنەوەی ناوەرۆکی بەرهەمى خۆراکییەکانیان، لەوانەش ڕێژەی پروتین، کاربۆهیدرات و چەورییەکان، کە دەریخست چۆن زانیارییە زانستییەکان لە ئامادەکردنی خۆراک و گەشەپێدانی بەرهەمە خۆراکییەکاندا پەیڕەو دەکرێن. هەروەها فێرخوازان بایەخێکی تایبەتیان دابوو بە بەرهەمهێنانی ئەو خۆراکانەی کە بەهای خۆراکی، تاموچێژی باش، کوالێتی و ئارەزووی بەکارهێنەران پێکەوە دەبەستنەوە.
هاوکات پیشانگەکە تیشکی خستە سەر چۆنیەتیی دەستکاری کردنی نووسراوە خۆراکییە نەریتییەکان و هەڵبژاردنی پێکهاتە گونجاوەکان بۆ گەشەپێدانی بەدیلی خۆراکیی تەندروستتر.
کارلێک لەگەڵ سەردانیکەران و خستنەڕووی لێهاتووییەکان:
لە ماوەی پیشانگەکەدا، فێرخوازان بەرهەمەکانیان پێشکەشی سەردانیکەران کرد و شیکردنەوەیان لەبارەی پێکهاتەکان، ڕێگەکانی ئامادەکردن و تایبەتمەندییە خۆراکییەکانیان پێشکەش کردن. لە کۆتایشدا پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر دەستخۆشى لە فێرخوازان و سەرۆکایەتى بەشى نیوتریشن و دایەتێتیکس کرد و، پاڵپشتى سەرۆکایەتى زانکۆى بۆ دوپاتکردنەوە لە پێناو پەرەپێدانى زیاتر بە توانا و لێهاتوییەکانیان.
