پەیامی سەرۆکی زانکۆى جیهان-هەولێر، بەبۆنەی جەژنی نەتەوەیی نەورۆز

بەبۆنەی هاتنەوەى جەژنی نەورۆز و ساڵى نوێى کوردى، پڕۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر پیرۆزبایی ئاڕاستەی سەرجەم مامۆستایان و فەرمانبەران و فێرخوازانى زانکۆ دەکات، ئەمەش دەقى پیرۆزباییەکەیەتى:

مامۆستایان و فەرمانبەران و فێرخوازانى خۆشەویست

بە بۆنەی هاتنی جەژنی نەورۆز و سەری ساڵی تازەی كوردی، بە ناوی خۆمان و ئەنجومەنى زانکۆى جیهان-هەولێر، جوانترین پیرۆزبایی ئاڕاستەی ئێوەى بەڕێز دەکەین، هیوادارین هەموو ساڵ و هەموو كاتێكتان خۆشی وبەختەوەری بێت.

هەروەک دەزانن نەورۆز هەڵگری پەیامی ژیان و هیواكان و ئازادیخوازییە و ڕووبەڕووبوونەوەیە لەگەڵ زوڵم و چەوساندنەوە، لەهەمان کاتدا بەماناى نوێبونەوەی سرووشت و ڕۆژێکی نوێ دێت، بۆیە ئێمەش لە زانکۆی جیهان-هەولێر هەموو ڕۆژێک بە ئومێدەوە کاردەکەین بۆ جێبەجێکردنی دروشمی سەرەکی زانکۆمان کە بریتی یە لە دروستکردنی داهاتوویەکی باشتر بۆ فێرخوازانمان بەتایبەتى و کۆمەڵگەکەمان بەگشتى.

دووبارە نەورۆزتان پیرۆز بێت و هیوای سەرکەوتنتان بۆ دەخوازم.

پڕۆفسیۆر دکتۆر ئەمجەد سابر دەلۆیی

                                                              سەرۆکى زانکۆى جیهان-هەولێر

                                                                            20/3/2023