ڕۆژى ئاڵاى كوردستان له‌زانكۆى جیهان به‌رز راگیرا
به ئاماده‌بوونى به‌رێز فوئاد شه‌ریف مه‌ولوود سه‌رۆكى زانكۆى جیهان ، رۆژى 17-12-2015قوتابیانى زانكۆ ،رێوره‌سمێكى شایه‌سته‌یان بۆ رۆژى ئاڵاى كوردستان رێكخست . له‌و ڕێوره‌سمه‌دا ئاڵاى كوردستان هه‌ڵكراو به‌ئاسمانى زانكۆدا شه‌كایه‌وه وپاشان وتارى قوتابیان پێشكه‌ش كرا و تێیدا باس له‌رۆژى 17ى دیسێنبه‌رى ساڵى 1946ى كۆمارى كوردستان له‌مه‌هاباد كراو وچیرۆكى هه‌لكردنى ئاڵاى كوردستان و به‌ره‌سمى بوونى له په‌رله‌مانى كوردستان بۆ قوتابیان شیكرایه‌وه‌و ئاماژه‌ش به قارامانیه‌تى پێشمه‌رگه‌ى كوردستان كرا كه چۆن رۆژانه هێرشه‌كانى تیرۆرستانى داعش تێك ده‌شێنن وبه‌گیان و خوێن به‌رگرى له خاك و ئاڵاى به‌رزو پیرۆزى كوردستان ده‌كه‌ن . هه‌رله‌م رێوره‌سمه‌دا قوتابیان به‌جلى كوردى رازاوه به‌ئاڵاى كوردستان به‌ده‌م سروودى نیشتمانى و نه‌ته‌وه‌یى ئه‌و رۆژه‌یان پیرۆزكرد.
