بەئامادەبوونى پرۆفیسۆر دکتۆر ئەمجەد سابر دەلۆ سەرۆکى زانکۆى جیهان-هەولێر؛ کۆلێژی دەرمانسازی ڕۆژی جیهانیی دەرمانسازانى بەرز ڕاگرت
بە ئامادەبوونی پڕۆفیسۆر دکتۆر ئەمجەد سابیر دەلۆ، سەرۆکی زانکۆی جیهان–هەولێر و، لە ڕۆژی جیهانیی دەرمانسازاندا؛ ڕاگرایەتى کۆلێژی دەرمانسازی لە زانکۆی جیهان–هەولێر، ڕۆژی سێشەممە ڕێککەوتی 29/09/2026، لە ڕێگەی ئەنجامدانی چالاکییەکی ئەکادیمی و فێرکاری تیشکی خستە سەر ڕۆڵی هەستیاری دەرمانسازان لە بوارەکانی چاودێریی تەندروستی و سەلامەتیی نەخۆش و ، ڕۆژی جیهانیی دەرمانسازانیشى بەرز ڕاگرت.
هەر لەو چالاکییەکەدا، کە دکتۆر محەمەد ئایدن عەباس، ڕاگر کۆلێژی دەرمانسازی و، ژمارەیەک لە سەرۆک بەشەکان، مامۆستایانى و فێرخوازانی زانکۆ ئامادەیبوون، چالاکیەکان بە کردنەوەى پیشەنگایەک لەلایەن پڕۆفیسۆر دکتۆر ئەمجەد سابیر دەلۆ، سەرۆکی زانکۆی جیهان–هەولێر دەستپێکرد، سەرۆکى زانکۆ و میوانان بەشەکانى پێشانگە فێرکارییەکان بەسەرکردەوە، کە پێناسەى پیشەی دەرمانسازی و خستنەڕووی بەرپرسیارێتییە جۆراوجۆرەکانی دەرمانسازى لەخۆگرتبوو، لەگەڵ بەرزکردنەوەی ئاستی تەندروستی و، بەکارهێنانی دەرمان، لەگەڵ پیشاندانى ڕۆڵى دەرمانساز لە پێشکەشکردنی چاودێریی تەندروستیی ئاستبەرز و، وەک ئەندامێکی کارا و تەواوکار لە ناو تیمی تەندروستیی فرەپپسپۆڕیدا. هەروەها پیشانگەکە کۆمەڵێک پۆستەری زانستی و هۆشیاریی و پێشکەشکاری لەخۆگرتبوو، کە پەیوەست بوون بە بابەتی جۆراوجۆری دەرمانسازی و تەندروستی گشتى.
هەر لە چوارچێوەی چالاکییەکەدا، فێرخوازانی کۆلێژی دەرمانسازی چالاکیەکى گریمانەیی تایبەت بە دەرمانسازییان (Virtual Pharmacy) پێشکەش کرد، کە ئەزموونێکی فێرکاریی ئاڵوگۆڕکارانەی لەخۆگرتبوو بۆ پێناسەکردنی کۆمەڵێک دەرمان و شیکردنەوەی بنەماکانی بەکارهێنانیان بە شێوازێکی ئارام و دروست.
جگە لەوەش، لە کاتی چالاکییەکەدا کۆمەڵێک بەرهەمی جۆراوجۆری دەرمانسازی و جوانکاری خسترانەڕوو، لەوانە بەرهەمەکانی چاودێریی پێست، ڕۆنە سروشتییەکان و، چەندین پێکهاتەی دیکەی دەرمانسازی و جوانکاری لەخۆگرتبوو، کە لەلایەن فێرخوازانی کۆلێژەکەوە لە ڕێگەی پرۆسەکانی ئامادەکردن و دەرهێنانی تاقیگەیی لە تاقیگەکانی کۆلێژی دەرمانسازیدا ئامادەکرابوون و گەشەیان پێدرابوو. ئەم بەرهەمانە ڕەنگدانەوەی جێبەجێکردنی پرۆسەی زانستە دەرمانسازییەکان بوون و، لێهاتوویی تاقیگەیی، داهێنان و، زانیاریی زانستیی فێرخوازانیان دەرخست، لەگەڵ بەرجەستەکردنی ئاستی فێرکاریی پرۆسەیی و تاقیگەیی کە کۆلێژی دەرمانسازی دابین کراوە.
بەشێکى دیکەى چالاکییەکە پێشکەشکردنى چەند بابەتێک و وانەی زانستى بوو، کە لەلایەن مامۆستایان و و فێرخوازانەوە پێشکەش کران و، پەیوەندیدار بوون بە بەکارهێنانی دروست و ئارامی دەرمان، پەروەردەی دەرمانی بۆ نەخۆش و، بەکارهێنانی گونجاوی بەرهەمە ڕووەکییە پزیشکییەکان. ئەم چالاکییانە بەشداربوون لە بەهێزکردنی زانیاریی زانستی و لێهاتووییەکانی پەیوەندیکردن لەلای فێرخوازان و، بەستنەوەی چەمکە دەرمانسازییەکان بە جێبەجێکردنە پرۆسەیییەکان و چاودێریی چەقکراو لەسەر نەخۆش.
لە لایەن خۆشییەوە، پڕۆفیسۆر دکتۆر ئەمجەد سابیر دەلۆ، سەرۆکی زانکۆی جیهان–هەولێر ستایشى هەوڵ و چالاکیەکانى کۆلێژی دەرمانسازیی لە ڕێکخستنی ئەم چالاکییە کرد و، جەختی لەسەر گرنگیی ڕۆڵى دەرمانسازان لە سیستمی چاودێریی تەندروستیدا کردەوە. هەروەها دەستخۆشى لە مامۆستایان و فێرخوازانى بەشداربوونی چالاکیەکان کرد، هاوکات پاڵپشتى و پشتیوانى زانکۆى جیهان-هەولێرى بۆ دوپاتکردنەوە لە پێناو پێگەیاندنى دەرمانسازێکى کارا بۆ کۆمەڵگە، بەجۆرێک خاوەن کارامەیی و لێهاتووی تایبەت بن.
