فێرخوازانی بەشی شیکاریی تاقیگەیی پزیشکی نەخۆشخانەی بەلسەم بەسەردانێکى زانستى بەسەردەکەنەوە

زانیارییە سەرەکییەکان: ڕۆژی چوارشەممە ڕێککەوتی 21/10/2026، فێرخوازانی قۆناغی سێیەم لە بەشی شیکاریی تاقیگەیی پزیشکی لە زانکۆی جیهان-هەولێر، سەردانێکی زانستیی مەیدانییان بۆ نەخۆشخانەی بەلسەم ئەنجام دا.

سەردانەکە بە سەرپەرشتیی هەریەک لە مامۆستایانی یاریدەدەر سالى خليل باقر و دابان كانبي رشيد بەڕێوەچوو.

شیکردنەوەی پرۆسەکانی چاندنی بەکتریاناسی: لە کاتی گەییشتنیاندا، شاندی زانکۆ لەلایەن هەڵۆ ڕەشید کارمەندى نەخۆشخانەکە بە گەرمی پێشوازییان لێکرا. پاشان لە بەشی چاندنی بەکتریادا (Bacterial Culture Department)، هەڵۆ ڕەشید شیکردنەوەیەکی زانستیی دەربارەی قۆناغەکانی چاندنی نموونەکان، چۆنیەتیی بەدواداچوون بۆ گەشەی بەکتریا، دیاریکردنی جۆرەکانیان و، خوێندنەوەی ئەنجامەکان بەپێی ستانداردە نێودەوڵەتییەکان بۆ فێرخوازان پێشکەش کرد.

ناساندنی ئامێری ڤایتێک و کۆنتڕۆڵی جۆری: لە وێستگەیەکى دیکەی سەردانەکەدا، هەڵۆ ڕەشید ڕوونکردنەوەی زانستى دەربارەی ڕۆڵی ئامێری VITEK لە دەستنیشانکردنی بەکتریا و تاقیکردنەوەی هەستیارییان بۆ دژەبەکتریاکان (Antibiotic Sensitivity Testing)، پێشکە بە فێرخوازان کرد، لەگەڵ جەختکردنەوە لەسەر گرنگیی جێبەجێکردنی ڕێکارەکانی کۆنتڕۆڵی جۆری (Quality Control) بۆ دەستکەوتنی ئەنجامی دروست.

دابینکردنی سەرچاوەی زانستی: سەردانەکە بە بەخشینی کۆمەڵێک سەرچاوەی زانستیی نێودەوڵەتی لەلایەن هەڵۆ ڕەشیدەوە بە فێرخوازان کۆتایی هات تا لە توێژینەوە و بەهێزکردنی زانیارییە تاقیگەیییەکانیاندا سوودی لێ ببێنن.

لە کۆتاییدا، مامۆستایانی سەرپەرشتیار و فێرخوازان سوپاسى هەڵۆ ڕەشید و کارمەندانى نەخۆشخانەی بەلسەمیان کرد.