فێرخوازانی بەشی مایکرۆبایۆلۆجیی پزیشکی چالاکیەک لە بارەى شێرپەنجەی مەمک پێشکەش بە قوتابیانى قوتابخانەی شکودار دەکەن

زانیارییە سەرەکییەکان: لە ڕۆژی سێشەممە ڕێککەوتی 20/10/2026، گروپێک لە فێرخوازانی قۆناغی دووەم لە بەشی مایکرۆبایۆلۆجیی پزیشکی لە زانکۆی جیهان-هەولێر، سەردانێکی هۆشیارییان بۆ قوتابخانەی شکودار لە هەولێر ئەنجام دا.

سەردانەکە بە بۆنەی مانگی هۆشیاری دەربارەی شێرپەنجەی مەمک، بە سەرپەرشتیی پڕۆفیسۆری یاریدەدەر دکتۆر خواجە شکیل ئەحمەد بەڕێوەچوو، لە کاتی گەییشتنیاندا، لەلایەن دیمان عەلی ئەبو شوارب، سەرپەرشتیاری قوتابخانە پێشوازییان لێکرا.

لایەنى تەندروستییەکان و مامۆگرافی: لە بڕگەکانی سیمینارەکەدا، فێرخواز ڕاز ئاراس ئەحمەد بابەتێکی دەربارەی شێوازی ژیان و خۆپاراستن پێشکەش کرد. پاشان فێرخواز شنیار شاکر محەممەد عەلی پێناسەی نەخۆشییەکەی کرد.

هەروەها فێرخواز ناز مەریوان ستار تیشکی خستە سەر گرنگیی مامۆگرافی (Mammography). لە تەوەرێکی دیکەى چالاکیەکەدا، فێرخواز سدرە عەبدولقەهار عومەر باسی لە دەستنیشانکردنی پێشوەختە (Early Diagnosis) کرد.

 ئەنجامی سیمینارەکە سیمینارەکە بە دانیشتنێکی ئاڵوگۆڕی پرسیار و وەڵام کۆتایی هات. لە کۆتاییدا، شاندی زانکۆ سوپاسی دیمان عەلی ئەبو شوارب و کادیرانی قوتابخانەی شکوداریان کرد.