فێرخوازانى بەشى دیزاینى ناوەخۆ کارگەیەکى دروستکردنى پێداویستى ناو ماڵ بەسەردەکەنەوە

بەشى دیزاینى ناوەخۆ لە زانکۆى جیهان-هەولێر، ساڵانە چەندین گەشتى زانستى بۆ فێرخوازانى لە قۆناغە جیاکان ڕێکدەخات، بەئامانجى لە نزیکەوە ئاشنابوون بەشێوازەکانى دیزاین و چۆنیەتى کارکردن لە بوارى دیزاین لە ژینگەى کارکردن.

لەو چوارچێوەیەدا، ڕۆژى دووشەممە ڕێکەوتى (٢٢/١١/٢٠٢١) فێرخوازانى قۆناغى سێیەمى بەشى دیزاینى ناوەخۆ بەسەرپەرشتى مامۆستا مەیس نەسیر لەشارى هەولێر سەردانى کارگەى مامۆ بۆ دروستکردنى پێداویستیەکانى ناوماڵیان کرد.

لە میانەى بەسەرکردنەوەى بەشەکانى کارگەکەدا، فێرخوازان ئاشناى چۆنیەتى دروستکردنى پێداویستیەکانى ناوماڵ و، ڕێگەکانى پەیوەستکردنى خامى بەکارهێنان بەبازارى کار کران، بۆ ئەوەش فێرخوازان بەشێوەیەکى پراکتیکى لە دیزاینکردنى کارەکانیان ڕوانى و پرسیاریان لەبارەى ئامانج و هۆکارەکانى جۆرى دیزاینەکانیان لە سەرپەرشتیارانى کارگەکە کرد.