بەشی كارگێڕی كار

1- ئامادەكردنی دەرچوانی شیاو كە هەڵگری كارامەیی پیشەیی و توێژینەوەیین تا هەڵسن بە ئەركەكانیان لە بواری كارگێڕی كار لە دام و دەزگا گشتی و تایبەتەكان .
2- پەرەدان بە تایبەتمەندی و كارامەییەكان لە داهێنان و نوێخوازی بۆ رابەرانی كاری دوارۆژ .
3- پێشكەشكردنی فێركردنێكی زانكۆیی نایاب لە بواری زانستی كارگێڕی و دارایی كە رێك بێت لەگەڵ پێوەرەكانی پاڵپشت گرتن و باشی .
4- دەوڵەمەند كردنی مەعریفەت و بەشداریكردن لە پێشكەوتنی زانستی لە بواری كارگێڕی كار لەرێی ئەنجامدانی توێژینەوەی زانستی , هاوڕێ‌ بوون لەگەڵ گەشەكردنی زانستی كارگێڕی كار .
5- ئەنجامدانی كۆڕ و بازنەی خوێندن و كۆنفرانس لە بواری پسپۆڕی بەمەبەستی گفتوگۆ كردن لەمەڕ چەند بابەتێكی سەردەمیانە , یان چەند گرفتێك لە واقیعی زانستی .
6- ئامادە كردنی توێژینەوە و لێكۆڵینەوەی تایبەت , لەگەڵ جەخت كردنە سەر ئەو توێژینەوە پراكتیكیانەی كە چارەسەری بۆ گرفتە زانستیەكان پێشكەش دەكات .
7- وەڵامدانەوەی پێداویستیەكانی پەرەسەندن لەو هێزە مرۆییانەی كە ئامادەكراون لە بواری كارگێڕی كار و پێویستی بە ئاستێكی بەرز هەیە بۆ ئەداكردنی پسپۆڕیێكی سەردەمیانە.

بەشی كارگێڕی كارە زانكۆی جیهان بە پڕۆگرامێكی سەرەكی دادەنرێت بۆ رووبەڕوو بوونەوەی ئەو هەڕەشە هەنووكەییانەی ژینگەی كارگێڕی . ئەم بەرنامەیە دیزاینكراوە تا زانیاری و كارامەیی پێویست ببەخشێتە قوتابی و خوێندكارانی كارگێڕی , كە كۆمەڵێك تەكنیك و ئامرازی شیكردنەوەیی بۆ چارەسەركردنی گرفتەكانی كارە جیاوازەكان لەخۆ گرتوە لەگەڵ داڕشتن و جێبەجێكردنی ستراتیژیەكانی كار هەروەها تێگەیشتن لە پیشە كارگێڕیەكان . ئەو سەركردانەی متمانەیان بەخۆ هەیە و جیاوازن لەكەسانی تر لە چارەسەركردنی گرفتەكان , ئەو بەڕێوەبەرانەی ئامادەكراون لە رووی توانایان لە بواری شیكردنەوە و بیركردنەوەی داهێنانكارانە بریتین لە بەرهەمی سەرەكی ئەم پڕۆگرام و بەرنامەیە . چونكە بەبێ‌ بڕیاری دروست و بەڕێوەبردنی باشی بەڕێوەبەر ئەوا دامەزراوە شكست دێنێت . ئەم بەشە دەرچووانی هەردوو ئامادەیی زانستی و وێژەیی وەردەگرێت لەگەڵ دەرچووانی ئامادەیی بازرگانی .

دەرچواندنی کارمەندی چۆش کراو بەزانست کە بازاری کاری ناوخۆ و هەرێمی پێویستیەتی، لەرێگەی پەیڕەوکردنی پرۆگرامی زانستی گونجاو لەگەڵ جۆری و دڵنیایی بەخشی زانستی. جگە لە پێشگەشکردنی توێژینەوە بەگۆمەڵگا لەپسپۆری بەرێوەبردنی کار بۆ هەستاندنەوەی پیشەکە و پاڵپشتکردنی گەشەی ئابووری نیشتمان و ووڵات.