گروپی دایه‌لۆگ…..شێوازێك بۆ په‌ره‌دان به‌ توانسته‌ زمانه‌وانییه‌كانی قوتابییان

له‌پێناو به‌ره‌وپێشبردنی توانستی زمانه‌وانی قوتابیان له‌به‌شی په‌یوه‌ندییه‌ نێوده‌وڵه‌تی و دیپلۆماسییه‌كان، مامۆستای مادده‌ی زمانی عه‌ره‌بی (د.هاوژین عومه‌ر)، شێوزای گروپی دایه‌لۆگ بۆ باشتركردنی ئاستی زمانه‌وانی قوتابیان له‌ زمانی عه‌ره‌بی په‌یڕه‌و ده‌كات.
رۆژی چوارشه‌ممه‌ 26ی شوبات، مامۆستای ناوبراو ئه‌م شێوازه‌ زانستییه‌ی له‌گه‌ڵ قوتابیانی قۆناخی یه‌كه‌م، خوێندنی به‌یانیان په‌یڕه‌وكرد. له‌م شێوازه‌دا قوتابییان بۆ سه‌ر چه‌ند گروپێكی سه‌ره‌كی له‌ هۆڵی كتێبخانه‌ی سه‌ره‌كی زانكۆ دابه‌ش كران، هه‌ریه‌ك له‌م گروپانه‌ ناونیشانی بابه‌تێكی بۆ دایه‌لۆگكردن پێشكه‌ش كرد، له‌گه‌ڵخستنه‌ڕووی كورته‌یه‌ك ده‌رباره‌ی بابه‌ته‌كه‌، ئینجا ئه‌ندامانی گروپه‌كانی تر له‌رێگه‌ی پرسیار و ئاڵوگۆڕكردنی بیرو راو زانیاری ده‌رباره‌ی ناوه‌ڕۆكی بابه‌ته‌كه‌ به‌زمانی عه‌ره‌بی، كه‌وتنه‌ گفتۆگۆكردن له‌گه‌ڵ ئه‌ندامانی گروپی یه‌كه‌م. دواتر گروپه‌كانی تریش به‌هه‌مان شێوه‌ تایتڵو ناوه‌ڕۆكی بابه‌ته‌كانی گروپه‌كانیان خسته‌ روو.