ڕۆژی سێشەممە ڕێککەوتی 13/10/2026، گروپێک لە فێرخوازانی قۆناغی سێیەمی کۆلێژی پزیشکیی ددان لە زانکۆی جیهان-هەولێر، سەردانێکی زانستییان بۆ No. 1 Dental Spa Polyclinic ئەنجام دا.

سەردانەکە بە سەرپەرشتیی مامۆستای یاریدەدەر غوفران موسلیم عەقیل، ڕێکخرابوو. فێرخوازان لەلایەن دکتۆر ماریۆس نۆزاد عودیش، خاوەن و پسپۆڕی کارپێکردنی پۆلیکلینیکەکەوە بە گەرمی پێشوازییان لێکرا.

لە کاتی سەردانەکەدا، فێرخوازان بە بەشە کلینیکییە جیاوازەکان ئاشنا کران، لەوانە پزیشکیی ددانی منداڵان، ڕاستکردنەوەی ددان (ئۆرتۆدۆنتیکس)، تیشکدانەوە (CBCT)، پزیشکیی ددانی خۆپارێزی، پزیشکیی ددانی چاککەرەوە، و پزیشکیی جوانکاریی ددان.

هەروەها فێرخوازان ئاشنای تەکنەلۆجیای پێشکەوتووی ددان کران، لەوانە سیستمی لەیزەری واتەرلێز و سیستەمی دیجیتاڵیی CAD/CAM Sirona chairside، کە تێڕوانینێکی بەنرخیان لەبارەی بەکارهێنانیان لە پزیشکیی ددانی هاوچەرخدا بەدەست هێنا.

سەرباری ئەوەش، ڕوونکردنەوەیەکی زانیاریبەخشیان لەسەر تۆمۆگرافیی کۆمپیوتەریی کۆن بیم (CBCT) پێشکەش کرا ،کە تیشکی خستە سەر بنەماکانی کارکردن و گرنگییەکەی لە دەستنیشانکردنی نەخۆشییەکانی ددان و پلاندانانی چارەسەرکردندا.