فێرخوازانی بەشی ژمێریاری سەردانى بەڕێوەبەرایەتی گشتی ژمێریاری سەر بە وەزارەتى دارایی دەکەن

زانیارییە سەرەکییەکان: ڕۆژی چوارشەممە ڕێککەوتی 21/10/2026، گرووپێک لە فێرخوازانی قۆناغی دووەم لە بەشی ژمێریاری لە زانکۆی جیهان-هەولێر، بە سەرپەرشتیی ابراهیم حسێن احمد سەردانێکی زانستیی مەیدانییان بۆ بەڕێوەبەرایەتیی گشتیی ژمێریاری ئەنجام دا.

شیکردنەوەی سیستمی ژمێریاریی حکومی: لە کاتی گەییشتنیاندا، شاندی زانکۆ لەلایەن دیدار یوسف میرزا، بەڕێوەبەری کارگێڕی بە گەرمی پێشوازییان لێکرا. پاشان، گوڵێ شەریف تایەر ڕوونکردنەوەیەکی زانستیی دەربارەی سیستمی ژمێریاریی حکومی (Governmental Accounting System) و شێوازى بەڕێوەبردنی سەرچاوە دارایییە گشتییەکان پێشکەش بە فێرخوازان کرد.

ئامادەکردنی ڕاپۆرتە دارایییەکان: لە درێژەی قسەکانیدا، گوڵێ شەریف تایەر تیشکی خستە سەر ڕێکارەکانی تۆمارکردنی مامەڵە دارایییەکان، ئامادەکردنی بەڵگەنامە ژمێریارییەکان و، دارشتنی ڕاپۆرتە دارایییە خولییەکان (Financial Reports)، سەرباری خستنەڕووی ڕۆڵی کۆنتڕۆڵی ناوخۆیی (Internal Control) لە دەستنیشانکردنی هەڵەکان و بەهێزکردنی شەفافییەت لە دامەزراوە حکومییەکاندا.

ئەنجامی سەردانەکە: لە کۆتایی سەردانەکەدا دکتۆر ابراهیم حسێن احمد سوپاس و پێزانینی ئاڕاستەی دیدار یوسف میرزا و گوڵێ شەریف تایەر کرد بۆ پێشوازی و ڕەخساندنی ئەم دەرفەتە زانستییە.