فێرخوازێکى زانکۆی جیهان -هەولێر ناسناوی باشترین یاریزانی خولی نایابى تۆپى دەست بەدەست دەهێنێ
یەکێک لە فێرخوازانى بەشى پەروەردەى جەستەیی و زانستە وەرزشیەکانى زانکۆى جیهان-هەولێر دەبێتە خاوەن ناسناوى باشترین یاریزانى عێراق.
کانیاو عومەر فێرخوازى قۆناغى یەکەمى بەشى پەروەردەى جەستەیی و زانستە وەرزشییەکانى زانکۆى جیهان-هەولێر، کە لەهەمانکاتدا یاریزانى یانەى وەرزشى هەولێرە، لە پاڵەوانێتى یارى تۆپى دەست لەسەر ئاستى عێراق بووە خاوەنى ناسناوى باشترین یاریزان.
ڕۆژى شەممە ڕێکەوتى (٥/٦/٢٠٢١) لە شارى هەولێر دواین یارى خولى تۆپى دەست بۆ خانمان بەڕێوەچوو، لە ئەنجامى یاریەکەدا یانەى وەرزشى هەولێر لە یانەى خانمانى هەولێرى بردەوە.
هەر لە چوارچێوەى ئەو خولەدا، ئیبراهیم قادر کە فێرخوازى قۆناغى دووەمى بەشى پەروەردەى جەستەیی و زانستە وەرزشیەکانە لە زانکۆى جیهان-هەولێر ڕاهێنەرى یانەى وەرزشى هەولێرە، هاوکات کاژین تەها کە یاریزانى سەرەکى یانەى وەرزشى هەولێرە، فێرخوازى قۆناغى دووەمى بەشى پەروەردەى جەستەیی و زانستە وەرزشیەکانە لە زانکۆى جیهان-هەولێر.