لە کۆنفرانسی نێودەوڵەتی زانکۆی جیهان-هەولێر تایبەت بە قەڵەوى؛ ئاڵەنگارییە دەروونی و خۆراکییەکانی قەڵەوی خرانەر بەرباس و گفتوگۆ

زانیارییە سەرەکییەکان:

لە ڕۆژی چوارشەممە ڕێککەوتی 21/10/2026، کارەکانی کۆنفرانسی نێودەوڵەتیی «قەڵەوی: سەردەمێکی نوێی 2026 – خۆپاراستن، چارەسەرکردن و چاودێریی فرەپسپۆڕی» لە زانکۆی جیهان-هەولێر بەردەوام بوو لە ڕێگەی سازدانی پانێڵێکی زانستیی تایبەتمەند بەناونیشانی «قەڵەوی: ئاڕاستەیەکی فرەپسپۆڕی بۆ خۆپاراستن و بەڕێوەبردن» بە بەشداریی ئاستێکی باڵا لە توێژەران.

دکتۆرە أماني ليث حەميد و پڕۆفیسۆری یاریدەدەر دکتۆر بدر قادر إسماعيل

لە دەستپێکی پانێڵەکەدا، دکتۆرە أماني ليث حەميد لە کۆلێژی زانستە تەندروستییەکان لە زانکۆی هەولێری پزیشکی، بابەتێکی دەربارەی «قەڵەوی و متمانەبەخۆبوون: کاریگەریی منداڵ، خێزان، کۆمەڵگە، و ژینگە» پێشکەش کرد و، تیایدا تیشکی خستە سەر لایەنە دەروونیییەکان.

پاشان، پڕۆفیسۆری یاریدەدەر دکتۆر بدر قادر إسماعيل سورچى لە بەشی زانستی ژیان لە کۆلێژی زانستی زانکۆی صلاح الدين-هەولێر، بابەتێکی بەناونیشانی «لە بەڵگەی زانستییەوە بۆ پیادەکردنی پرۆسەیی: ئەزموونی کەسیی دابەزاندنی 51 کیلۆگرام کێش بە بەکارهێنانی پزیشکیی ڕووەکیی کلینیکی» خستە ڕوو.

 بابەتەکانی دکتۆرە سمیرة حسینی و پڕۆفیسۆری یاریدەدەر دکتۆر ڕێباز طاهر

لە تەوەرێکی دیکەدا، دکتۆرە سمیرە حسینی، پسپۆڕی سیاسەتەکانی خۆراک لە کۆمپانیای بەرسام، بابەتێکی دەربارەی «پەرەسەندنی قەڵەوی: ئاڕاستە نێودەوڵەتییەکان و ئاڵەنگارییە سەرهەڵداوەکان» پێشکەش کرد.

دوابەدوای ئەوە، پڕۆفیسۆری یاریدەدەر دکتۆر ڕێباز طاهر، سەرۆکی سەنتەری توێژینەوە کلینیکییەکان لە ئەنجومەنی باڵای پسپۆڕییەکانی پزیشکی لە کوردستان، بابەتێکی بەناونیشانی «دەرزییەکانی بەرەنگاربوونەوەی قەڵەوی: داڕشتنی داهاتووی چارەسەری قەڵەوی» دەربارەی بەکارهێنانی دەرمانسازی (Pharmacology) خستە ڕوو.

 بابەتەکانی دکتۆرە بەهناز شاهرخى و مامۆستای یاریدەدەر ئەحمەد نەبەز

لە بڕگەی کۆتایی پانێڵەکەدا، دکتۆرە بهناز شاهرخي سحنه لە بەشی نیوتریشن و دایەتێتیکس باسى لە زانکۆی جیهان-هەولێر بابەتێکی بەناونیشانی «ئاڵەنگارییە خۆراکییەکانی جڕاحیی میتابۆلی» پێشکەش کرد.

پاشان، مامۆستای یاریدەدەر ئەحمەد نەبەز، لە بەشی نیوتریشن و دایەتێتیکس زانکۆی جیهان-هەولێر، بابەتێکی دەربارەی «لە دەرەوەی ڕژێمی خۆراکی: ڕۆڵی پسپۆڕی خۆراکی کلینیکی لە خۆپاراستن، چارەسەرکردن و چاودێریی درێژخایەن» پێشکەش کرد بە جەختکردنەوە لەسەر داڕشتنی ڕژێمی کەسی.

 ئەنجامی پانێڵەکە

پانێڵەکە بە دانیشتنێکی ئاڵوگۆڕی پرسیار و سەرنج لەنێوان ئامادەبووان و پانێڵیستان کۆتایی هات، کە تێیدا جەخت لەسەر ئاوێتەکردنی هەوڵە دەروونی، خۆراکی و، پزیشکییەکان کرایەوە بۆ چاودێریی نەخۆشانی قەڵەوی.