فێرخوازانی بەشی ئەندازیاری تەلارسازی سەردانى پڕۆژەی (Pavilion by Ramix) دەکەن

زانیارییە سەرەکییەکان: ڕۆژی چوارشەممە ڕێککەوتی 21/10/2026، فێرخوازانی قۆناغی دووەم لە بەشی ئەندازیاریی تەلارسازی لە زانکۆی جیهان-هەولێر، بە سەرپەرشتیی مامۆستا ئەسماء ئەحمەد مصطفى بە سەردانێکی زانستیی مەیدانییان پڕۆژەی (Pavilion by Ramix)یان لە شاری هەولێر بەسەرکردەوە.

شیکردنەوەی دیزاینی ڤێلاکان: لە کاتی گەییشتنیاندا، شاندی زانکۆ لەلایەن ئالان عەبدولقادر سەعید و مصطفى صبر قادر، ئەندازیارانی بەرپرسی شوێنی پڕۆژەکە بە گەرمی پێشوازییان لێکرا. پاشان، ئەندازیار مصطفى صبر قادر شیکردنەوەیەکی زانستیی دەربارەی دیزاینی جیاوازی ڤێلاکان، تایبەتمەندییە تەلارسازییەکان، زۆنبەندیی کارگێڕی (Functional Zoning)، دابەشکردنی بۆشایییە ناوخۆیییەکان و، ڕێڕەوەکانی هاتوچۆ پێشکەشى فێرخوازان کرد.

ڕێکخستنی ڕووبەرە سەوزەکان: لە وێستگەیەکى دیکەی سەردانەکەیاندا، فێرخوازان لە نزیکەوە ئاشنای تەکنەلۆژیای هاوچەرخی بیناسازی، هەڵبژاردنی کەرەستەکانی دروستکردن، پەیوەندیی نێوان بۆشایییە ناوخۆیی و دەرەکییەکان و، دیزاینی ڕووبەرە سەوزەکان (Landscape Architecture) کران.

 ئەنجامی سەردانەکە سەردانەکە بە ئاڵوگۆڕی پرسیاری تایبەت لە بوارى تەلارسازی لەنێوان فێرخوازان و وەڵامى ئەندازیارانی پڕۆژەکە کۆتایی هات. لە کۆتاییدا، ئەسماء ئەحمەد مصطفى و فێرخوازانی بەشی ئەندازیاریی تەلارسازی سوپاسى (ئالان عەبدولقادر سەعید و مصطفى صبر قادر)یان کرد.