فێرخوازانی بەشی نیوتریشن و دایەتێتیکس سەردانى نەخۆشخانەیەکى تایبەت دەکەن

رۆژی یەکشەمە ڕێکەوتى (10/11/2024)، گروپێک لە فێرخوازانى قۆناغى چوارەمى بەشى نیوتریشن و دایەتێتیکس سەردانی نەخۆشخانەی باکی لە شارى هەولێر دەکەن و، یەکەی چاودێری چڕ بەسەر دەکەنەوە.

فێرخوازان لە میانەى ئەو سەردانەیاندا، کە بەسەرپەرشتی پرۆفیسۆر دکتۆر ڕەزا هاشمی، ئەنجامیاندا کۆمەڵێک زانیارى پزیشکیان لە بوارە جیاوازەکان لە چاودێرى چڕ بەدەستهێنا بەتایبەت لە بوارى چاودێرى چڕ، وەک چۆنیەتی دانانی بۆری فیدباک، هەنگاوەکانی هەڵسەنگاندنی نەخۆش تا هەڵسەنگاندنی باری تەندروستی و دانانی تیوب…هتد.

سەردانە مەیدانیەکە بووە دەرفەتێک بۆ دەوڵەمەندکردنى ئەزمونى مەیدانى فێرخوازان لە بوارى تەندروستى و کارى مەیدانى لە نەخۆشخانەکان و، چۆنیەتى مامەڵەکردن لەگەڵ نەخۆش بەتایبەت لە ئەو چارەخوازانەى ڕەوانەى چاودێرى چڕ دەکرێن.