فێرخوازانی بەشی شیکاریی کیمیایی پزیشکی چالاکیەکیان لەبارەى خەوی تەندروست پێشکەش بە قوتابیانى قوتابخانەی نەهەرینی کچان کرد

زانیارییە سەرەکییەکان: لە ڕۆژی پێنجشەممە گرووپێک لە فێرخوازانی قۆناغی دووەم لە بەشی شیکاریی کیمیاییی پزیشکی لە زانکۆی جیهان-هەولێر، سەردانێکی مەیدانییان بۆ قوتابخانەی نەهەرینی کچان کرد و، چالاکیەکى تەندروستیان بەڕێوەبرد.

 چالاکیەکەیان بە سەرپەرشتیی یاریدەدەری تاقیگە دنیا عەبدولقادر ئەسعەد بەڕێوەچوو، لە کاتی گەییشتنیان، فێرخوازان لەلایەن جۆزفین ئەستیفان مەنسوور، بەڕێوەبەری قوتابخانەکە بە گەرمی پێشوازییان لێکرا.

 خەوی تەندروست و ڕژێمی خۆراکی لە قوتابخانەدا لە بڕگەی یەکەمدا، فێرخواز ماریا عادل ئیبراهیم بابەتی خەوی تەندروستی (Healthy Sleep) و کاریگەرییەکانی لەسەر مێشک و تەرکیزی فێربوون پێشکەش کرد.

پاشان، فێرخواز سیدرا مەعروف جەمیل تیشکی خستە سەر خواردنی تەندروست و ئامادەکردنی نانی نیوەڕۆ (Healthy Lunch Boxes) بۆ دوورکەوتنەوە لە شەکرە زیانبەخشەکان.

 دوورکەوتنەوە لە خواردنەوە وزەبەخشەکان: لە تەوەرێکی دیکەى چالاکیەکەیاندا، فێرخواز سیدرا محەممەد حەمزاوی باسی لە زیانەکانی خواردنەوە وزەبەخشەکان (Avoid Energy Drinks) و کاریگەری نەرێنیی کافایین کرد.

دوابەدوای ئەوە، فێرخواز جوهەرە غازی حەمد شیکردنەوەی بۆ مەترسییەکانی جگەرەکێشان و بەکارهێنانی جگەرە ئەلیکترۆنییەکان (Avoiding Smoking and E-Cigarette Use) کرد.

 ئەنجامی سیمینارەکە سیمینارەکە بە پرسیار و وەڵام کۆتایی هات. لە کۆتاییدا، جۆزفین ئەستیفان مەنسوور، بەڕێوەبەری قوتابخانەکە سوپاسى شاندی زانکۆی جیهان-هەولێر کرد.