لەلایەن فێرخوازانی بەشی شیکاریی کیمیایی پزیشکی لە پارکی پێشمەرگە چالاکییەکی هۆشیاریی تەندروستیان ئەنجامدا

زانیارییە سەرەکییەکان: ڕۆژی چوارشەممە ڕێککەوتی 21/10/2026، گرووپێک لە فێرخوازانی قۆناغی چوارەم لە بەشی شیکاریی کیمیاییی پزیشکی لە زانکۆی جیهان-هەولێر، بە سەرپەرشتیی مامۆستای یاریدەدەر هاوڕێ فاتیح سامی چالاکییەکی هۆشیاریی تەندروستییان لە پارکی پێشمەرگە لە شاری هەولێر ئەنجام دا.

 پێوانەکردنی نیشاندەرەکان: لە کاتی گەییشتنیاندا، شاندی فێرخوازان لەلایەن ڕەوان ئیسماعیل ئەبوبەکر، بەڕێوەبەری پارکی پێشمەرگە بە گەرمی پێشوازییان لێکرا. پاشان لە بڕگەی یەکەمی چالاکییەکەیاندا، فێرخوازان ئایە عەبدوڵڵا محەممەد و شنیار یوسف حەمەئەمین، پێوانەکردنی ئاستی شەکری خوێن (Blood Glucose Measurement) و پەستانی خوێنیان (Blood Pressure Measurement) بۆ سەردانکەرانى پارکەکە ئەنجام دا و، ڕێنماییی تەندروستییان پێشکەش کردن.

 دیاریکردنی جۆری خوێن و پێوەری کێشی جەستە: لە بەشێکى دیکەی چالاکییەکەیاندا، فێرخواز یحیی کەیفی سلێمان کێشى جەستە (Body Mass Index — BMI) بۆ بەشداربووانى ئەنجامدا، سەرباری ئەنجامدانی تاقیکردنەوەی دیاریکردنی گرووپی خوێن (Blood Group Testing) بۆ سەردانکەرانی پارکەکە.

گۆشەی «بەڵێنی تەندروستیی من» و دابەشکردنی نامیلکەکان: لە بەشێکی دیکەی چالاکییەکەدا، فێرخوازان زەهرا بەشار حوسێن و حوسێن بەشار حوسێن، نامیلکەی هۆشیاری و میوەی تازەیان بەسەر هاووڵاتییاندا دابەش کرد.

هەروەها گۆشەیەکی کارلێکییان بەناونیشانی «بەڵێنی تەندروستیی من» (My Healthy Promise) ڕێکخست تا سەردانکەران بەڵێنی کەسی بنووسن بۆ پەیڕەوکردنی سیستمى خۆراکیی تەندروست، ئەنجامدانی وەرزش و، وازهێنان لە جگەرەکێشان.

چالاکییەکە بە دابەشکردنی زانیاریی بەسوود و بەهێزکردنی پەیوەندیی نێوان زانکۆ و کۆمەڵگە کۆتایی هات. لە کۆتاییدا، ڕەوان ئیسماعیل ئەبوبەکر، بەڕێوەبەری پارکی پێشمەرگە سوپاس و پێزانینی خۆی ئاڕاستەی شاندی زانکۆی جیهان-هەولێر کرد.