فێرخوازانی کۆلێژی دەرمانسازی سەردانێکی زانستی بۆ تاقیگەی توێکاری لە زانکۆی هەولێری پزیشکی ئەنجام دەدەن
لە ڕۆژی دووشەممە ڕێککەوتی 12/10/2026، فێرخوازانی قۆناغی دووەم لە کۆلێژی دەرمانسازی لە زانکۆی جیهان – هەولێر سەردانێکی زانستییان بۆ تاقیگەی توێکاری لە زانکۆی هەولێری پزیشکی ئەنجام دا.
سەردانەکە بە سەرپەرشتیی پڕۆفیسۆڕ دکتۆر میرزا حمزە حمادی و بە هاوڕێیەتیی ئایە قەیسەر إبراهیم، هاوکاری تاقیگە بەڕێوەچوو، کە لە ماوەی سەردانەکەدا ڕێنمایی و ئاڕاستەی پێویستیان پێشکەش بە فێرخوازان کرد.
لە کاتی سەردانەکەدا، پڕۆفیسۆڕ دکتۆر میرزا ڕوونکردنەوەیەکی زانستیی وردی لەبارەی پێکهاتە توێکارییەکان و ناوچە حەیاتییە سەرەکییەکان لە جەستەی مرۆڤدا پێشکەش کرد، بە بەکارهێنانی نموونەی توێکاری و تەرمەکانی مرۆڤ بۆ ڕوونکردنەوەی پێکهاتەی توێکاریی ئەندامەکان و کۆئەندامە جیاوازەکانی جەستە.
ئەم ئەزموونە پرۆسەیییە دەرفەتی بۆ فێرخوازان ڕەخساند تا پێکهاتە توێکارییەکان بە شێوازێکی ڕاستەوخۆ ببینن و تێگەیشتنیان بۆ پەیوەندییە توێکارییەکانی نێوان ئەندامەکان و کۆئەندامە جیاوازەکان بەهێز بکه ن.
هەروەها سەردانەکە کارلێکێکی زانستیی بەرچاوی بەخۆیەوە بینی، بە جۆرێک فێرخوازان کۆمەڵێک پرسیاری پەیوەندیدار بە لایەنە توێکاری و ئەرکییەکانی جەستەی مرۆڤیان ئاڕاستە کرد. گفتوگۆکان لەبارەى جیاوازییە توێکارییەکانی نێوان حەوزی نێر و مێ، ئەرکەکانی پەرەکانی جگەر، ئالیەتەکانی هەماهەنگی و تەواوکاری لە نێوان کۆئەندامی دەمار و کۆئەندامەکانی دیکەی جەستە، ڕۆڵی زمانەکانی دڵ لە ڕێکخستنی ڕوتی خوێن، بەجیا لە جیاوازییە توێکارییەکان لە کۆئەندامی هەرسدا چڕ کردەوە.
