بەشی ئەندازیاری شارستانی

به‌شى ئه‌ندازیارى شارستانى دامه‌زرا بۆ ئه‌وه‌ى ره‌نگدانه‌وه‌ى داواكارى تایبه‌تى عێڕاق و هه‌رێمى كوردستان بێت له‌ په‌ره‌دان به‌ هه‌یكه‌ل و سیستمه‌كانى ژێرخان له‌ به‌رژه‌وه‌ندى كۆمه‌ڵگه‌دا . ده‌رچوانى به‌شى ئه‌ندازیارى شارستانى ده‌توانن وه‌ك ئه‌ندازیارى په‌یكه‌ر و جووله‌ى هاتووچۆ و رێگاوبانى خێراو جیۆته‌كنیكار وه‌ ئه‌ندازیارى ئاو و ژینگه‌ و چه‌ندین كه‌رتى تر كار بكه‌ن . قوتابیان له‌ماوه‌ى خوێندنیاندا فێرى بنه‌ماكانى ئه‌ندازیارى دروست ده‌بن و تواناى جێبه‌جێكردنى ئه‌م بنه‌مایانه‌یان ده‌بێت له‌ چاره‌سه‌ركردنى گرفته‌ راسته‌قینه‌كانى ژیان ، هه‌روه‌ها له‌ گرفته‌ پراكتیه‌كانى تایبه‌ت به‌ هه‌یكه‌لى دیزاین و سیستمه‌كانى ژێرخانى شارستانى ، هه‌روه‌ها داوایان لێده‌كرێت ئه‌ركه‌كانى تاقیگه‌ و پڕۆژه‌ مه‌یدانیه‌كان و راهێنانه‌ پڕاكتیكیه‌كانیان ته‌واو بكه‌ن سه‌ره‌ڕاى پڕۆژه‌كانى دیزاینه‌ به‌رزه‌كان

1. فه‌راهه‌مكردنى ژینگه‌یه‌كى فێركردن و فێركارى زانكۆیى كه‌ خاوه‌نى لێهاتوییه‌كى به‌رز بێت له‌ بوارى ئه‌ندازیارى شارستانى ، له‌ پێناو ره‌خساندنى بوار بۆ قوتابیان تا بتوانن بچنه‌ ناو كه‌رته‌كانى ئه‌ندازیارى شارستانى / یان ته‌واو كردنى خوێندن له‌دواى ده‌رچوونیان له‌ زانكۆ .
2. پته‌وكردن و پاڵپشتیكردنى پێوه‌ره‌ نیشتمانى و نێوده‌وڵه‌تیه‌كان بۆ به‌ڕێوه‌بردن له‌ رێگه‌ى ئه‌نجامدانى توێژینه‌وه‌ى كرده‌یى بنه‌ڕه‌تى و سه‌ره‌كى له‌ بوارى ئه‌ندازیارى شارستانى .
3. به‌شداریكردن له‌ گه‌شه‌سه‌ندنى ئابوورى و كۆمه‌ڵایه‌تى له‌ ناوچه‌كه‌ و ووڵاتدا له‌ رێگه‌ى پارێزگارى كردن له‌ هاوبه‌شیه‌ك كه‌ قازانجى دوولایه‌نه‌ى تێدابێت له‌گه‌ڵ هه‌ردوو كه‌رتى گشتى و تایبه‌ت .
4. دامه‌زراندنى ده‌سته‌یه‌كى فێركارى خاوه‌ن لێهاتوییه‌كى به‌رز بۆ به‌شداریكردن له‌ فێركردنى زانكۆیى و فێركردنى دواى قۆناغى زانكۆ و توێژینه‌وه‌ى زانستى و گه‌شه‌دان به‌ پیشه‌كانى ئه‌ندازیارى شارستانى و ژینگه‌یى .

پەیامی به‌شه‌كه‌مان خۆى له‌ گه‌شه‌سه‌ندنى هه‌رێمى كوردستان و عێڕاق ده‌بینێته‌وه‌ ، له‌رێگه‌ى فه‌راهه‌مكردنى به‌رنامه‌یه‌كى فێركارى شیاو و دامه‌زراندنى بنكه‌یه‌كى توێژینه‌وه‌یى له‌گه‌ڵ پێشكه‌شكردنى خزمه‌تگوزارى هونه‌رى په‌یوه‌ست به‌ ئه‌ندازیارى شارستانى

1.ئەندازیاری جێبه‌جێكار: بەرێوەبردنی پرۆژەکانی بنیادنان و دلنیا بوون لەوەی پرۆژەکان بەپێی خشتە و پلان و تایبه‌تمه‌ندی دیاریكراو بەرێوە دەچن. ئەم ئەندازیارانە بەرپرسن لە دیزاین و سەلامەتی پرۆژە کاتییەکان کەوا بەکاردێن لە کاتی بنیادنان . ھەروەھا چاودێریکردنی بودجە و بەرێوەبردنی کات و لایەنی پەیوەندی پرۆژەکان. .
2. ئەندازیاری خاک و خۆل (جیۆتەکنیک):کارکردن بۆ دلنیا بوون لە بناغەی پرۆژەکان کە خۆی دەگرێتەوە لە شەقامەکان و بیناکان و رێرەو و بەنداوەکان. ئەم ئەندازیارانە جه‌خت ده‌كه‌نه‌ سەر چۆنیەتی دروستبوونی پێکھاتە ئەندازیارییەکان وەک (بینا و تونێل و کاریگەری پێکھاتەکان لەگەل زەوی). ھەروەھا دیزاین و پلانی لاری و دیواری راگرو تونێلەکان..
3.ئەندازیاری بنیادنان:دیزاین و ھەلسەنگاندنی زۆربەی پرۆژەکان وەک بینا و پرد و بەنداوو دلنیا بوون لە خۆگری و ته‌مه‌نی پرۆژەکان
4.ئەندازیاری گواستنەوە:پلاندانان و دیزاین و بەکارخستنی سیستەمی رۆژانە وەک شەقامەکان و رێگای خێرا. ھەروەھا پلان دادەنێن بۆ پرۆژەی گەورەتر وەک فرۆکەخانە و سیستەمی گواستنەوەی به‌ كۆمه‌ل.
5.ئەندازیاری سەرچاوە ئاوییەکان:ئەندازیاری سەرچاوە ئاوییەکان بەندە بە ھەلسەنگاندنی برَو کوالیتی و گۆران لە ئاوی سەر زەوی و ژێر زەوی . شاره‌زایی لە سروشتی پرۆسەکانی سووری ھایدرۆلۆجی و رێدەدا بە ئەندازیاری سەرچاوە ئاوییەکان کە پلان و دیزاین بەدەستھێنان و بنیادنان و بەرێوەبردن و بەکارخستنی ژێرخان بۆ گەیشتن بە داخوازییەکانی بەکارھێنەرو کشتوکال و گواستنەوەی ئاوی. ئەم ئەندازیارانە بەرپرسن لە بەردەوامی گەرانەوەی ئاو بۆ سروشت